Mizik sove vi m part 2
Atis: Tafa Mi-Soleil
Gade: 939
: Ane: 2020. Label: Evazyon Mizik
March 01, 2020

1

Tout dlo je ane yo pa efase

Bay kou bliye

Pot mak sonje

Moman sa yo m pèdi tout fòs mwen

E pyès priyè pa soulaje m

M te kwè mwen pou kò m lè m ri pou moun pa konnen,

sa ki blese m nan fon kè mwen

M jemi pou syèl la tande m alelouya

Yon melodi mete m sou pye

Refren

M p ap koube

M p ap pliye

E si lavi a vaykevay m ka chante

Nan chak nòt yo m twouve chimen nanm mwen

Sa fè malgre m vle bay legen m jwenn rezon pou m kenbe

Mizik sove vi m

-2-

Lavi a konn santi kri devan mwen

Pwezi a lou

Fènwè sèl chèf

M pa toujou kapab kenbe rèv mwen yo 

Lè yo ban m do san eskize

Doulè fè m danse sou yon pye

Senti m mare

Aprè lapli tan pa vin bèl vre

M jemi pou syèl la tande m Alelouya

Yon melodi mete m sou pye

Refren

M p ap koube

M p ap pliye

E si lavi a vaykevay m ka chante

Nan chak nòt yo m twouve chimen nanm mwen

Sa fè malgre m vle bay lwen m jwenn rezon pou m kenbe

Mizik sove vi m

 

Pon 

Piske tèt mwen pa ko koupe

Pa dezespere met chapo

Travèse dlo yo

Mizik la janbe dife m yo

Doulè yo kab tounen pousyè

Piske mizik pa gen fwontyè

Demen solèy la va leve

 

Refren

M p ap koube

M p ap pliye

E si lavi a vaykevay m ka chante

Nan chak nòt yo m twouve chimen nanm mwen

Sa fè malgre m vle bay legen m jwenn rezon pou m kenbe

Mizik sove vi m

 


0