Viv tankou moun
Atis: KrisPek ak Tafa Mi-Soleil
Gade: 774
: Ane : 2019 Pwod: G Black Master Estil: Hip Hop\Rap
August 28, 2019

 

[Verse 1 - KrisPek]

Chomaj, mizè atroce, prèske tout moun raz

Tout moun ap mande, so l’ klè tout moun nas

Jèn moun ap brase ak granmoun reyisi

Granmoun ki echwe ap brase ak jèn moun k ap bay bras

Bwa mare!

Timoun yo pa ka manje, yo tankou bwa bale

Sa ki pa restavèk yo ap siye machin nan lari pou 10goud!

M’pa konn pou ou men mwen m’ santi n antrave

Manje tounen liks, Carte d’accès pou sexe.

Di m ki satisfaksyon ki  genyen, lè w fin manje jodi, w’ap kalkile manje w pou demen?

Pa gen okenn espwa, ou tou anvayi stress.

14an lekòl, 4an fakilte,

Jeune, diplômé, aprè on dal tan w t ap lite.

San w pa panike, pou yon djòb w aplike

Ou kalifye, men patwon an mande fòk ou ta pike.

Fuck!!! Tout moun fin demounize!

Tout moun se chèf kounya nan fason pa yo

Pi fò  pa sispann egzèse pouvwa sou sa ki pi fèb nan lide pou yo fè w santi w mal plase si w pa anba yo

Leta ap use mizè m, pou m sèvi koz li

Itilize grangou m, pou m tire wòch pou li

Pete bal sou frè m, gade yo k ap mouri

M vin yon danje pou yo , dèyè m, se yo kounya k ap kouri

Poutan, se yo ki kreye m

Y ap fè m pase pou bèt nwa paske m egzekite lòd yo

Yow bro... leta pyeje w e w konn sa

Prese denonse avan yo pyeje lòt yo

Moun w ap teworize yo se moun nan mas lan

Frè w, sè w, semblale ou, yo sibi menm sò avè w.

Ouvri kè w...

Pandan y ap pale ak otorite yo w ap santi y ap pale pou ou e avè w:

 

[Refren - Tafa Mi-Soleil x KrisPek]

Dwa n foule anba pye

(N anvi viv tankou moun)

Se nan rèv nou wè n viv byen

(N anvi viv tankou moun) (X2)

Pou valè fwa n chante fristrasyon n

Se lave men siye atè

Yo fè kòmsi yo pa konnen

Nou dwe viv jan n merite



[Verse 2 - KrisPek]

Nou anvi sispann strese, n anvi  kontan.

Nou anvi jwe nan la cour des grands so n anvi gran

N’ anvi santi n safe, lè n nan lari pou n calme

Nou pa annafè poutan n bouke fè inquiétude pou bal

N anvi lè m fin vote pou n pa anvi koupe dwèt nou

Si n ap pwogrese fòk frè n pa anvi koupe tèt nou

N anvi viv byen!

N anvi viv tankou moun!

Wi m sanble ak pitit DP a men m anvi viv tankou youn

Nou vle lè n malad n al lopital pou doktè soigner n

Leta dwe n accès ä la santé , frè m, se sa l ye!

Yo dwe n vi miyò, so yo dwe kreye emploi

Dayè se pou sa n te vote

Nou pa t fè l pou yo te voye n anba

Nou bouke panse avni n menase si n ret viv nan peyi n

Nou te fèt pou n viv la si n te fèt la, pa fè n fui l

Zanmi danfans nou la, e se la nou grandi

Tanpri pa kite nou separe koz move vi

Je dis fuck le gouvernement !

Fuck l’opposition !

Sèlman kritike men jamè fè yon pwopozisyon

Fuck la bourgeoisie pouri, santi !

Renards !!! Vous n’avez rien à foutre de jan n santi n.

N ap anrichi nou sou do yon pèp ki pòv

Nou bare tout wout pwogresyon peyi an jis pou n domine l

Bande de colons modernes !

Grande gueule!!!

Là que pour tout avaler.

Bann bèt!!!

Di n kisa pou n fè pou w tande vwa n

Nou te aksepte lè w te mande n pou n fè devwa n

Kounya balon an nan pye w, olye w fè pas lan ou jete l...

N ap rive sou ou, ou mèt pasyan.

Tout bèt ki jennen mòde, so juste avan w panse trete nou tankou tel , anvizaje konsekans, Please!

Si awogans nou fwase w, saches que, nou pa plis bezwen kolè w k’on konsyans priz

 

[Refren - Tafa Mi-Soleil x KrisPek]

Dwa n foule anba pye

(N anvi viv tankou moun)

Se nan rèv nou wè n viv byen

(N anvi viv tankou moun) (X2)

Pou valè fwa n chante fristrasyon n

Se lave men siye atè

Yo fè kòmsi yo pa konnen

Nou dwe viv jan n merite

 

[Outro - KrisPek]

Li pa seulement suffit pou n egziste.

Nou bezwen viv.

Lyen: https://soundcloud.com/user-680124119/krispek-viv-tankou-moun-feat


0